Vigo. Epicentro da semana europea do deporte
A Semana Europea do Deporte en Vigo
A cidade programou unha serie de actividades que terán como epicentro a Porta do Sol. O sábado 28 de setembro, desde as 10:00 ata as 22:30 horas, despregarase un escenario desde o que os monitores dirixirán clases gratuítas de zumba, baile deportivo, baile caribeño, fit boxing e body combat.
Ademais, ofrecerase a posibilidade de practicar pickleball, tenis de mesa, fútbo, esgrima, escalada, xadrez ou bádminton. Tamén se realizará unha carreira popular de carácter non competitivo ás 10:30 horas, con saída e meta na confluencia de Porta do Sol con Elduayen, que terá un percorrido de 4km.
Ese mesmo día, o Concello e o CSD homenaxearán aos deportistas vigueses polos seus éxitos nos Xogos de París 2024.